jeudi 28 avril 2011

فيق ..






تحبّ تونس ؟ تخاف عليها كيما تخاف على كلّ ساكن في قلبك ؟ تحبّها فرحانة ، عزيزة وراسها عالي ؟ فاش تستنّى بش تساهم في ترجيع فرحتها ؟ قول ، عبّر ، أحكي بالقوي عليها ، كيفاش تحبّ تبنيها ! تونس محتاجة ليّ وليك وليها !

خايف ؟ تخمّم في غدوة ؟ خايف على تونس ؟ خايف على مستقبل بلادك ؟ خايف لنهار 24 جويلية يجي وماتلقاش لشكون تصوّت ؟
خايف لا تعطي صوتك لأسماء وأحزاب ماتعرفهاش ؟
تخمّم بينك وبين روحك بش ما تمشيش تنتخب ؟ تقول : هوما يعرفوا خير منّي .. آش جابني للسياسة ؟ 23 سنة ما انتخبتش جايّ توّة ننتخب ؟
ردّ بالك تخمّم هكّة ! كان خايف على ولادك، تمشي تختارلهم الناس الّي تستأمنهم ع البلاد .. الّي بش يحطّولها دستور، الّي بش يبنيوا أساس الديمقراطيّة ..
بينك وبين روحك ، كيف تروّح للدّار وتحطّ راسك ع المخدّة تتفكّر جوجمة السياسة ، الإسلامي والعلماني والّي بين بين .. سياسة وأحزاب ودين .. وال62 حزب مزّالوا يزيدوا .. يطير عليك النوم .. خايف ترقد وتقوم تلقى 7 نوفمبر جديد ..


ياتونسي يا الّي عندك الحقّ في الانتخاب ، نهار 24 جويلية بش تدخل التاريخ ! بش تختار المجلس الّي بش يحطّ دستور البلاد .. فيق .. تبّع الأحزاب ، أحضر ع النقاشات ، اسإل عليهم ، شكون فيهم .. وكان فاهم فهّم غيرك .. قول : هاذي بلادي ومانحبّ ننتخب كان الّي يصونها ليّ ولولادي ! مارس حقّك بحريّة ، كانك بالحقّ خايف ، جاء الوقت بش تواجه الخوف وتساهم في ترسيخ الديمقراطيّة ..
حلمتنا الّي ماتوا على خاطرها برشة ، وخسروا على خاطرها برشة .. حرام نضيّعوها بيدينا !

المجلس التأسيسي والمواطنة

مـــداخلة الأستاذ قيس سعيد






Partagez cet article sur vos réseaux sociaux :



Recevez les nouveautés par email

0 commentaires:

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails