lundi 25 juillet 2011

قيّد باش الحلمة تعيش





الثورة بدات بشرارة ودمعة على الخدّ ، تحرق القلب مدرارة .. تتفكّروا كيفاش عيّطنا ؟ والفرحة من فرط القوّة متاع اللّحظة هزّتنا ، رعّشتنا وحلمنا .. وبعد كيف حبّوا يفرّقونا ، عذّبونا ، خوّفونا ، بتنا ليالي فازعين وباتوا ليالي يرهّبوا فينا .. عيينا .. آما الحلمة ما تقسمتش .. جرد حلمة مسلسلة استكثروها علينا .. وماسلّمناش .. كلّ شيّ فينا ترضرض والمرارة كبّلتنا كيف الجمرة الّي تكوينا .. كبّشنا في حلمتنا بالرغم من كلّ الّي عملوه فينا ..
والّي يقول شيّ ما تبدّل نسى الّي الحلمة مزّالت أغلى من نور عينينا .. والّي الحلمة اسمها "تونس" .. وتحقيقها واجب علينا ..
قيّد وناضل .. ماتخلّيش شكون يفكّلك كلمتك ويسرق حلمتنا بإيدينا .. حلمتك تفكّها ، تدافع عليها ، ما تستنّاش حتّى يقتلوها وبعد تجينا بش نقولولك : تتفكّر ؟ هو تحرق باش الحلمة تعيش ..





Partagez cet article sur vos réseaux sociaux :



Recevez les nouveautés par email

0 commentaires:

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails