vendredi 15 juillet 2011

أنا قيّدت وإنت فاش تستنّى بش تقيّد ؟






 نقيّد ؟ ما عندي علاش ننتخب 

  تونس عندها حقّ عليك وولادك يلزم تعلّمهم حبّ الوطن وتغرسوا في  قلوبهم مالصغرة .. والحبّ مش كلام .. الحبّ فعل





كيفاش نقيّد بش ننتخب ؟

 ساهل برشة : تمشي لأقرب مكتب تسجيل (قائمـــة في مكاتب التسجيل بـجميع الدوائر الإنتخابيـــة بكل الولايات) مصحوبا ببطاقة التعريف الوطنيّة ويعطيوك "وصل تسجيل إرادي في قائمة الناخبين" ويعطيوك قصاصة فيها بقيّة مراحل ما بعد التسجيل 





وشنوّة بش ننتخب ؟

 مجلس تأسيسي يحطّ دستور للبلاد وأكثر





أنا قيّدت وإنت فاش تستنى بش تقيّد ؟

 العمليّة ساهلة برشة : ياخذوا بطاقة التعريف يعدّيوها على الآلة تسكانيها (كيف في المغازات) ويخرّجلك الوصل ، تصحّح وتضمن حقّك في الانتخاب ! الحكاية لكلّها أربعة دقايق 
آنا بيدي مانعرفش لشكون بش نصوّت ، لكن نقيّد على خاطر من هنا لأكتوبر احتمال نلقى شكون يستحقّ صوتي ووقتها مانندمش و نقول يا ريتني 
.. حقّي في بلادي مانسلّمش فيه ، وكلمتي نقولها بصوتي 


ماتنساش ديما تعمل طلّة على الموقع هذا 


ملاحظة : مكاتب التسجيل مفتوحة من الساعة الثامنة صباحا إلى الساعة السادسة مساء 

Partagez cet article sur vos réseaux sociaux :



Recevez les nouveautés par email

0 commentaires:

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails