dimanche 24 juillet 2011

تنبيرة الأسبوع : بصّول والكاباس في موسم الخلاعة





إهداء خاصّ لكلّ الّي يعدّيو في كونكور الكاباس السّنة والّي بش يكون آخر كونكور وبش يقع تعويضو بconcours sur dossier
مع تمنّياتي بالتوفيق لهم جميعا

في الخريف كنّا آلاف غاطسين في تحضير الأوراق ..
في الشتاء كانت الدنيا مسهّلة : QCM وزيد تعدّيه في بلادك والوالدة تبخّر فيك وتحطّلك شويّة سينوج في مكاتبك قبل ماتدخل تعدّي ..



 ماحلاها الحياة مع الكاباس !


بين التعدية الأولى ونتائجها حكاية أربعة شهر ولاّ أكثر ..

في آخر الربيع : أعلنوا نتائج التصفيات الأوّليّة وبرشة طاحوا ..


 الباقي بداو يحلموا:"زعمة يكتب المكتوب ؟"

 بعد بأسبوع واحد من الإعلان عن النتائج استُدعي الناجحون للتعدية الثانية

 وجاتنا الخبطة الأولى .. في ظرف جمعة دخل الصيف ومشينا نكتشفوا في متحف (معهد) باردو وتاريخنا العزيز..
 كلّ شيء صار فيسع فيسع ؛ ياخي لازم نراجعوا ؟


 مع الكاباس مش حتقدر تحلّ كرّاسة ! 

Formation pédagogique بعد النجاح في الامتحان الكتابي الثاني


دخل علينا جويلية وانتشرنا في كلّ مكان إشي يتخلّع في سوسة و إشي في المستير وإشي في بنزرت




ورجعنا للFoyer وrestau universitaire و رائحة الكربوناتو التي تفوح من كعبات اللوبيا المستحمّة في الsauce .. العزّ الّي يقلّك !
اعتصمنا حتّى نستحقّ لقب promotion الثورة .. وقوبلت مطالبنا بالرفض بكلّ حزم ..



هكّاكة عملنا فورماتيون هبال ، بلاش تلامذة ، في عزّ الصيف ، راسنا راس المتفقّدين وعاشت البيداغوجيا النظريّة !

وفي النهاية ، بش يبعثوا منّا جماعة يعدّيوا الأورال في قربة (الّي مش قريبة) والباقي في تونس (بون تعلّمنا نعملوا الفاليزع الأقلّ)
الحاصل آخر بروموتيون في الكونكور أطنبوا في تدليلها وزيد بعد التعب والمصاريف هاكي الكلّ شوف توصل تهزّ الفينال شوف لا ..



حقّهم من بين الشروط للترشّح حطّولنا : مع السوفل والدم البارد يلزم Ecran de soleil مالبريما


 ومدخول لابأس به (أو على الأقلّ منين تسلّ حقّ الركوب ومصروفك اليومي) .. والقوقل ماب أوGPS sont un plus  !


Google est ton génie !

 وفي الختام وراس لحنينة لن أعود !!


Partagez cet article sur vos réseaux sociaux :



Recevez les nouveautés par email

2 commentaires:

illusions a dit…

نشاء اللّه بالنجاح بصّول :)

Nawras a dit…

3aychék papillon :D

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails