jeudi 20 octobre 2011

صوّت باش الحلمة تعيش





نحلم بتونس كيما ما عاش فيها حدّ ..
نحلم نختار بصوتي النسمة الّي باش نتنفّسها غدوة ..
نحلم بريحة البخور و اللوبان العربي وندور في المدينة والأسواق نتصفّح البسمة الحنينة على وجوه عباد حرّة ..
نحلم بتلامذة تمشي تقرى و هيّ متيقّنة إلّي بالديبلوم غدوة تخدم .. نحلم بالّي كان كلّ يوم شادد كرسي في قهوة يلعب في الشكبّة والرامي ويتكيّف في سيقارو متسلّفو واقف قدّام المراية يهندم في روحو ، يكبّ على يدّ الوالدة يبوسها ويتبرّك بيها ويخرج باش يخدم ..
نحلم بالّي الثورة خذاتلو قطعة من بدنو ، وبكى على بلادو أكثر مالّي بكى عليها ، يتداوى بلاش و يعيش طول عمرو راسو مرفوع وعمرو مايحسّ بالإعاقة على خاطر تونس تضمّدلو جراحو ..
نحلم نسمع بتونس في كلّ الأخبار العالميّة ، تونس "حقّقت" ، تونس "عملت" ، تونس "وصلت" .. تونس الّي عندها أدمغة ، تونس الّي دكاترتها يفتكّوا فيهم الجامعات الأمريكيّة والفرنسيّة .. تونس المتسامحة الكبيرة بناسها وقيمهم وأفكارهم وإنسانيّتهم !
نحلم نقرا في عينين الصغار فرحة .. هوما أمل تونس .. وأحنا الّي باش نختارولهم !
نحلم والحلمة تحبّلها برشة باش تتحقّق وأوّل خطوة تبدا بعد نهارين .. تونس الكلّ يلزمها تصوّت باش الحلمة تعيش !
تونس أمانة وخدمتها واجب مقدّس !

Partagez cet article sur vos réseaux sociaux :



Recevez les nouveautés par email

1 commentaires:

illusions a dit…

آني نحلم معاك، في قكوبنا حلمة و في ايدنا وردة حمراء و نقول:حلمتي ليك و ليّا و اللّي يفكلي حلمتي و الا يسكّرلي فمّي و عينيّا نقتلو بسنّيا... الحلمة موش ليّا، هي لولدي و لبنتي و لبلادي اللّي نفديها بالدم... نحبّك يا تونس

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails