mercredi 15 février 2012

راجل ابن راجل - أحمد فؤاد نجم





الجحش قال للحمار *** يابا اديني الحنطور

ياباإنت سنّك كبر *** و وَجَب عليّا الدور

كَـحّ الحمار كَـحة *** فزعِت لها الركاب

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور

Partagez cet article sur vos réseaux sociaux :



Recevez les nouveautés par email

0 commentaires:

Sélectionnez les signes à côté du smiley à insérer dans votre commentaire

:)) ;)) ;;) :X :(( =(( :-o :-* :| :)] :-t
b-( :-L :-/ o_O :D ;) :p :) :( 8-) ^^

Enregistrer un commentaire

Related Posts with Thumbnails